Cultura Logudoresa: le Poesie di Francesco Masia

Pubblicato il da Francesco Masia d' Iteri Canedo

"Ingiustizias sociales" ”

 

In custu mundu terrenu e imparziale

non esistini nè santos e ne profettas

e falada dae s'altu giudisciu universale

cando mancu tue ti l'isettas

e si legges de futtidura non rispettas

non servdi nè giudice o tribunale

Cà in giurisprudenza troppu sun sos conflittos

chi non si resessdi a determinare sos delittos…

 

Cussos de sos bancheris malaittos

chi in Sardigna ana battidu miseria e povertade

istrozzende debiles e poverittos

chi ana trabagliadu in cantidade

e non bi ad’opera de caridade

e dae sos interessos sun’afflittos

cà sas legges fattas pro aggiuare

sun servidas solu a issos pro furare…

 

Sa politica tentende est de lu cuare

cà semus governados dae impriastos

chi dae s’altu de sos peus riccattos

posizione non resessini a leare

a pedire issos puru fin cheffidos mandare

e battire famine a sos atattos

si non quitamus a che ogare custu matzamine

totta s’isola fra pagu moridi de famine…

 

De proponnere est legge immediata

chi trunchede sas manos a entes e bancas

e chie giughede in conca ideas maccas

cun decretu li enzada dolore de matta

atteru istrumentu non si agatta

pro muntennere patrimoniu domos e tancas

chi non si sun’appidas divertendesi o gioghende

ma dae manzanu a sero suerende e tribulende!!!!!!!

===================================================================================

 

        (Sa salude e sa ricchesa)

 

Zertu fid’istadu bona novella a las’abbinare

pro faghere cuntentos umiles e potentes

cà mancu Gesucristu b’este resessidu a coniugare

cussas duas essenziales  cumponentes

sa vida pro sos esseres penitentes

andàda male, comente cherene issos a l’acciappare

e a chie este sanu li mancana sas ricchesas

e  chie ste riccu  non li torrana  sas pretesas!!!!

 

Dae sempre las’appo leggidas e intesas

e  in s’istoria dae tottu disizzadas

niune mai umpare l’asada incontradas

cà chie ndada pagu pro isse las’ada  mantesas

e chie ad’ottennidu  a s’atterala, si las’ad’accapparadas

 arrecchende a tottos duos iscuntentesa

e chie este riccu che finidi chei s’atteru  in s’ispidale

cantu  chie este poveru continuada a istare male!!!

 

Sa mania cussa pius venale

attidi s’omine a s’egoismu

su peus arrabbiu e isterismu

este diventende su mezzus capitale

e mania de podere e arrivismu

este lassende pagu logu a sa morale

e pius ti dannas pro aere ricchesa

pius saludu si c’ andada in lestresa!!!!

 

Chie umiltade ad’appidu e muntesa

siguramente campada in paghe e in saludu

finzas su primu omine ad’ottennidu difesa

mancari naschidu a culu nudu

e siada riccu o poveru ormai l’ada cumpresa

chi tantu daghi moridi torrada a ludu

e tando a itte servidi a nos’arrabbattare

si saludu e ricchesa non si resessidi a cumbinare!!!!!

 

 

Con tag Movimento

Commenta il post